اتفاق ٹیکسٹائل ملز کو نیلام کرنے کا حکم

لاہور (M92) لاہور ہائیکورٹ نے شریف خاندان کی جانب سے بینک کی رقم واپس نہ کرنے پر شریف خاندان کی اتفاق ٹیکسٹائل ملز کو نیلام کرنے کا حکم دے دیا۔تفصیلات کے مطابق لاہور ہائیکورٹ کے جسٹس شاہد کریم نے مسلم کمرشل بنک کی نیلامی کی درخواست پر سماعت کی. بینک کے وکیل نے موقف اختیار کیا کہ اتفاق ٹیکسٹائل ملز کے مالکان نے کاروبار کیلئے قرض حاصل کیا. قرض کیلئے میاں نواز شریف کے رشتہ داروں نے 27 کنال 1 مرلہ پر مشتمل اتفاق ٹیکسٹائل ملز رہن رکھوائی. ڈیفالٹر میاں ہارون یوسف، میاں یوسف عزیز، کوثر یوسف، سائرہ فاروق، عائشہ ہارون نے قرض کیلئے گارنٹی بھی دی،قرض کی عدم ادائیگی پر اتفاق ٹیکسٹائل ملز کو 2000ء میں ڈیفالٹر قرار دیا گیا. بینک کے وکیل نے دلائل دیتے ہوئے کہا کہ ڈیفالٹر اتفاق ٹیکسٹائل ملز کیخلاف 2016ء سے 25 کروڑ 33 لاکھ 64 ہزار کی ڈگری بھی جاری ہو چکی ہے. عدالتی ڈگری کے بعد اتفاق ٹیکسٹائل ملز مالکان نےب14 کروڑ 32 لاکھ 69 ہزار ادا کئے۔ڈیفالٹر اتفاق ٹیکسٹائل ملز نے ڈگری کی بقایا 11 کروڑ 95 ہزار کی رقم ادا نہیں کی جا رہی. لہذا عدالت رقم کی ریکوری کیلئے اتفاق اڈہ پر واقع اتفاق ٹیکسٹائل ملز کو نیلام کرنے کا حکم دے.عدالت نے دلائل مکمل ہونے پر اتفاق ٹیکسٹائل ملز کو 15 دسمبر کو نیلام کرنے کا حکم دے دیا۔