افغانستان ، سکیورٹی فورسز اور طالبان کے درمیان جھڑپیں، 6 پولیس اہلکاروں سمیت 20 افراد ہلاک

کابل(میڈیا92نیوز آن لائن) افغانستان میں سکیورٹی فورسز اور طالبان کے درمیان جھڑپوں کے نتیجے میں6 پولیس اہلکاروں سمیت 20 افراد ہلاک ہو گئے ۔ غیر ملکی خبررساں ادارے کے مطابق مقامی حکام نے بتایا کہ صوبہ تخار کے ضلع گھار میں طالبان نے ایک پولیس چوکی کو حملے کا نشانہ بنایا ۔ پولیس نے بھی جوابی کارروائی کی جس کے نتیجے میں 8 طالبان اور 6 پولیس اہلکار ہلاک ہو گئے ۔ دریں اثناءصوبہ غزنی میں ضلع قار ایاخ میں بھی سکیورٹی فورسز نے طالبان کے ٹھکانے کو حملے کا نشانہ بنایا جس کے نتیجے میں اہم کمانڈر سمیت 6 جنگجو ہلاک ہو گئے ۔( جاوید)

یہ بھی پڑھیں

چینی فوج کیساتھ جھڑپ میں بھارتی فوجی پسپا ہونے پر مجبور؛ متعدد زخمی

 ریاست اروناچل میں ایل اے سی کے قریب چین کی فوج کے ساتھ جھڑپ میں …