لندن میں نامعلوم افراد کا نواز شریف کے گھر پر حملہ

لندن: (میڈیا92نیوز) لندن میں نامعلوم لڑکوں کا نواز شریف کے گھر پر حملہ کردیا.
شریف فیملی کے پارک لین سنٹرل لندن میں واقع گھر پر نامعلوم لڑکوں نے د ھاوا بول دیا، انہوں نے مبینہ طور پر نواز شریف کو گھر میں داخل ہونے سے روکنے اور عقبی دروازہ توڑنے کی کوشش کی، اس دوران حسین نواز بھی نواز شریف کے ہمراہ تھے۔
مشتعل نوجوان نے لیگی رہنما اعجاز گل کا بھی گھیراؤ کر لیا اور ان پر کرسی پھینک دی۔ واقعہ کے بعد پولیس اور لیگی کارکنوں کی بڑی تعداد نواز شریف کے گھر کے باہر پہنچ گئی۔
صدر (ن ) لیگ برطانیہ نے الزام عائد کیا کہ حملہ آور مسلح تھے اور ان کا تعلق سیاسی جماعت سے ہے، سکاٹ لینڈ یارڈ کا کہنا ہے کہ فوٹیج کی مدد سے دروازہ توڑنے اور حملہ کرنے والوں کی شناخت کی جائیگی۔

یہ بھی پڑھیں

عام انٹرنیٹ سے 45 لاکھ گُنا تیز انٹرنیٹ

برمنگھم: سائنس دانوں نے انٹرنیٹ اسپیڈ کا نیا ورلڈ ریکارڈ قائم کیا ہے جو موجودہ براڈ …