ہوائی میں لاوا مسلسل تباہی مچانے میں مصروف، لاوے سے نیا خطرہ سامنے آگیا

(میڈیا92نیوز)
ہوائی کے آتش فشاں سے لاوے کا مسلسل اخراج جاری ہے ، جیو تھرمل پاور پلانٹ کو خطرہ لاحق ہوگیا ۔ غیرملکی خبررساں ادارے کے مطابق امریکا کی ریاست ہوائی کے آتش فشاں کیلو سے لاوے کا مسلسل اخراج ہورہا ہے جس کے سبب جیوتھرمل پاور پلانٹ کو خطرہ لاحق ہو گیا، لاوے سے اب تک 82 گھر تباہ ہوئے ہیں۔ماحولیات کے ماہرین نے کہا کہ ہوائی کے آتش فشاں کا دھواں 3700کلو میٹر دور تک پہنچ گیا ۔ دھویں اور راکھ سے مارشل آئی لینڈ میں لوگوں کو سانس لینے میں مشکلات کا سامنا ہے ۔ایوی ایشن حکام نے حدنگاہ میں کمی کا الرٹ جاری کردیا ہے۔ گزشتہ دنوں اس آتش فشاں کے باعث ہوائی میں 24گھنٹے کے دوران زلزلے کے 270 جھٹکے محسوس کیے گئے۔