میل ہمفریز چار سال سے جنرل سٹورز کے ڈمپرز سے کھانے کی اشیا ڈھونڈ کر پیسے بچائے اور اس سے گھر خرید لیا
سڈنی (دنیا نیوز ) آسٹریلوی نرس نے چار سال ڈمپر بِنز سے کھانے تلاش کر کے بچت کی اور دس لاکھ ڈالر کا گھر خرید لیا ۔ ان کا کہنا ہے وہ اس دوران کبھی بیمار نہیں ہوئیں ، میل ہمفریز ڈمپر کی صفائی کرنے والی خاتون نہیں بلکہ پیشے کے اعتبار سے نرس ہیں اور آسٹریلیا کے شہر سڈنی میں رہتی ہیں ۔
انہوں نے گزشتہ چار برس سے کھانے پینے کی کوئی چیز نہیں خریدی لیکن پھر بھی زندہ ہیں ۔ وہ شہر میں چار بڑے سٹورز کے باہر ڈمپروں سے کھانے پینے کی چیزیں تلاش کرتی ہیں ۔ میل کا کہنا ہے ان کی خواہش تھی کہ وہ اپنا گھر خریدیں لیکن ان کے پاس پیسے نہ تھے ۔
ایک روز انہیں اچانک خیال آیا اور پھر انہوں نے اس پر عمل کیا ۔ انہوں نے کہا انہیں کبھی باسی چیز نہیں ملی اور وہ گزشتہ چار برس میں کبھی بیمار نہیں پڑیں ۔
