قصور(نمائندہ خصوصی/میڈیا92نیوز)ایڈیشنل ڈپٹی کمشنر فنانس ڈاکٹر رابعہ ریاست نے ڈی ایچ کیو ہسپتال میں گزشتہ روز دوسرے ہفتہ صحت 2018کا افتتاح کر دیا ۔اس موقع پر ایم ایس ڈی ایچ کیو ہسپتال ڈاکٹر نذیر احمد،چیئرمین پبلک فیسلیٹیشن کمیٹی برائے ہیلتھ افضال حسین زین ،پروگرام ڈائریکٹر ڈی ایچ ڈی ڈاکٹر محمد خالد اور دیگر ہمراہ تھے ۔ ایم ایس ڈی ایچ کیو ہسپتال ڈاکٹر نذیر احمد نے بتایا کہ24فروری تک جاری رہنے والے دوسرے ہفتہ صحت کے دوران مریضوں کو ہیپا ٹائٹس ،شوگر ،تپ دق ،بلڈ پریشر ،ٹی بی اور دیگر بیماریوں کی مفت تشخیص و علاج کی سہولت فراہم کی جائیگی ۔
