رائے ونڈ (نمائندہ خصوصی/میڈیا92نیوز)ایم این اے ملک محمد افضل کھوکھر نے کہا کہ سوشل میڈیا ورکر ان کی طاقت ہیں ،موجودہ تیز رفتار دور میں سوشل میڈیا ورکربڑھ چڑھ کر کام کررہے ہیں جس سے پارٹی کا پیغام ملک کے کونے کونے میں پہنچ رہا ہے ،سوشل میڈیا ورکروں کے مسائل ترجیحی بنیادوں پر حل کئے جائیں گے ،وہ ان خیالات کا اظہارملک تنویر احمد کی قیادت میں ملنے والے سوشل میڈیا ورکرز کے وفد سے ایک میٹنگ میں کررہے تھے ،انہوں نے کہا کہ مانگا منڈی میں مسلم لیگ ن کے ورکر ز ملک تنویر کی قیادت میں متحد ہیں ،ملک تنویر اوران کے دیگر ورکرساتھیوں کی وجہ سے حلقہ مانگا منڈی میں جاری ترقیاتی منصوبہ جات شفافیت سے بروقت مکمل ہورہے ہیں ۔
