ماڈل ٹائون کچہری کے احاطہ میں آوارہ کتوں نے ڈیرے ڈال لیے ، کیسز کے لیے آئی خواتین اوربچے ڈرنا شروع ہو گئے

لاہور (عمر خالد سے) ماڈل ٹائون کچہری احاطہ عدالتوں میں آوارہ کتوں نے ڈیرے ڈال لیے  ۔آوارہ کتوں نے سیرو تفریح کے لیے کچہری کی عدالتوں کے برآمدوں کا انتخاب کر لیا  ۔ انتظامیہ خاموش تماشائی کا کردار ادا کرنے لگی ۔آوارہ کتوں کی وجہ سے سائلین اور وکلا کو پریشانی کا سامنا  کرنا پڑتا ہے ۔آوارہ کتوں کی وجہ سے کیسز کے لیے آئی خواتین اوربچے ڈرنا شروع ہو گئے ۔وکلا  نے میڈیا سے گفتگو کرتے کہا کہ عدالت میں پیش ہو کر باہر آتے ہیں تو سامنے آوارہ کتے بیٹھے ہوتے ہیں انتظامیہ کو اس بات کا نوٹس لینا چاہئے کہ سارا دن آوارہ کتے عدالتی برآمدوں میں لیٹے رہتے ہیں اگر یہ کسی سائل یا وکیل کو کاٹ لیں تو نقصان کا ذمہ دار کون ہو گا ۔وکلا  کا مزید کہنا تھا کہ آوارہ کتے مین گیٹ سے اندر کیسے آتے ہیں اگر کوئی چیکنگ سسٹم نہیں تو کوئی سانحہ پیش آسکتا ہے ۔