لاہور(ظہیر الحق سے)احتساب عدالت نے گیپکو میں غیر قانونی بھرتیوں کے الزام پر سابق وزیراعظم راجہ پرویز اشرف کی حاضری معافی کی درخواست منظور کرلی اور مزید کاروائی 3 مارچ تک کے لیے ملتوی کردی۔تفصیلات کے مطابق احتساب عدالت کے جج سید نجم الحسن کے رخصت پر ہونے کے باعث کیس میں کوئی کاروائی نہ کی جا سکی۔سابق وزیراعظم راجہ پرویز اشرف کے وکیل نے عدالت میں حاضری معافی کی درخواست دی جس میں موقف اختیار کیا گیا کہ پرویز اشرف کراچی میں مصروفیات کے باعث عدالت میں پیش نہیں ہوسکتے عدالت حاضری معافی کی درخواست منظور کرنے کا حکم دے۔جس پر عدالت نے حاضری معافی کی درخواست منظور کرلی۔اور کیس کی سماعت مزید اگلے ماہ تک کے لیے ملتوی کردی،۔نیب کی جانب سے دائر ریفرنس میں موقف اختیار کیا گیا تھا کہ راجہ پرویز اشرف نے اپنے دور میں غیرقانونی طور پر 437 افراد کو میرٹ سے ہٹ کربھرتی کیا۔جس پر عدالت نے سابق وزیراعظم راجہ پرویز اشرف سمیت دیگر سات افراد پر فرد جرم عائد کررکھی ہے.
لاھور نامہ
غیر قانونی بھرتیوں کے الزام پر سابق وزیراعظم راجہ پرویز اشرف کی حاضری معافی کی درخواست منظور
